مدرسة بنات جمال عبد الناصر الثانوية

طولكرم-فلسطين


    حوار بين ام وابنها طالب التوجيهي

    شاطر

    داليا ضميري

    عدد المساهمات : 21
    تاريخ التسجيل : 12/10/2009

    حوار بين ام وابنها طالب التوجيهي

    مُساهمة  داليا ضميري في الإثنين أكتوبر 12, 2009 3:15 am

    السلام عليكم ورحمة الله وبركاته

    لأم: ليش طالع من غرفتك ليش ما عم
    تدرس؟؟؟ الابن: يا ماما هلا اطلعت!! الام: كيف هلا اطلعت صارلك ساعتين بتتمشى في البيت ؟؟ ادخل أدرس !! الابن : لا والله هلا اطلعت بس رحت على الحمام وبعدين رجعت .. وبدي اعرف شو طابخه ؟؟ الام : فوت أدرس ولما يجهز الغدا بناديك ...

    يدخل الابن على الغرفه وبعد دقيقتين بطلع من الغرفه ..!! الام : لك شو مالك انضب في الغرفه فوت أدرس.. الابن : يا ماما درست كثير واطلعت أغير جو... الأم : طيب ماشي بدك تغير جو روح على الدكانه جيب علبه لبن بس من شاااااااان الله ما تطول بدي أحط الغدا عشان تتغدى وتفوت تدرس .

    بطلع الابن وبكون لابس شحاطة امه وشورت وبلوزه خفيفه وشعره منكوش ولحيته طويله عشان كتير مشغول بالدراسه ومش فاضي يحلق !!! الابن بشتري علبة لبن وسيجارتين فرط من الدكان وبلاقي صحابه قاعدين عند الدكان وبقعد ساعه معهم يدخن ويحكو بكل الامور عدا الدراسه!!!

    ولما يرجع على البيت بلاقي امه معصبه وبتستقبلو بكورس مشكل من البهادل : لك ببعتك على الدكان ابتقعد ساعه لك ما حتخلص التوجيهي غير لما اتخلص علي لك قصرتلي عمري بهالسنه والاكل برد وبدي تتغذى عشان ترجع تدرس .. الابن : يا ماما مالقيت في هاي الدكان فرحت على دكانة الحاره الثانيه ..!!! وبعد نقاش عنيف تقتنع الام ولما يمر من جنبها الام : تعا لهون ليش ريحتك دخان ؟؟؟ الابن : يا ماما كنت بالدكان وكل الي في الدكان كانو يدخنو !!!

    بعد الغدا الام: يا ماما الله يرضى عليك قوم ادرس الابن بصوت عالي : وبعدين معك انا كل ما تشوفيني قاعد بتحكيلي قوم ادرس هلا مين التوجيهي انا ولا انتي يعني مصلحتي انا يعني انا بديــ ...!!! يقاطع كلام الابن بضربه صاروخيه من الام بشحاطه باتجاه الابن الذي يهرب بسرعه الى غرفته..
    بعد ربع ساعه الام ابتعمل شاي وبتفوت على غرفته بتلاقيه قاعد بتأمل بالحيطان......

    هاد المشهد فقط يتكرر يوميا بين الام وابنها طالب التوجهي مع اغلب الطلاب انا ما بقول كل الطلاب ولكن الاغلب هيك بصير معهم !!!! الام ابتحكي لأبنها كلمة ( أدرس) في اليوم الواحد خلال التوجيهي تقريبا 15 مره هاد اقل شي يعني كل ما اتشوفه سرحان او طالع من الغرفه او او ...
    معناته كل فصل اربع شهور الفصلين مع الامتحانات ثمانية شهور بما ان الام ابتحكي لأبنها 15 مره كلمة أدرس كحد أدنى في اليوم ابتطلع الام حاكيه لأبنها طول سنة التوجيهي 3600 مره كلمة أدرس !!!!!!

    لو نفرض انه الابن حفظ مقابل كل كلمة ادرس معلومه وحده من الدراسه راح يطلع عنده 3600 معلومه انا متأكد انه لو حفظ 3600 معلومه راح يجيب الاول على الجمهورية السورية!!!!!!!
    لكن الغريب انه الام بس يرسب ابنها ابتقعد تلطم وتقول: والله انه ابني درس ومنهم لله الوزاره رسبوه والتوجيهي حظ !!!!

    بتمنى يعجبكم الموضوع
    بستنى التعليقات والردود الحلوة منكم
    تحياتي للجميع drunken cheers[b][i]

    Haya moeen shadid

    عدد المساهمات : 13
    تاريخ التسجيل : 09/10/2009
    العمر : 24

    رد: حوار بين ام وابنها طالب التوجيهي

    مُساهمة  Haya moeen shadid في الإثنين أكتوبر 12, 2009 11:32 am

    hhhhhhhh
    alllah ywf2 eltawjeehe kolhom
    yslmo edeke kteer w nawer elmontda

    داليا ضميري

    عدد المساهمات : 21
    تاريخ التسجيل : 12/10/2009

    رد: حوار بين ام وابنها طالب التوجيهي

    مُساهمة  داليا ضميري في الثلاثاء أكتوبر 13, 2009 3:06 am

    منور بوجودك
    مشكورة عمرورك الحلو
    avatar
    اسماء.sh

    عدد المساهمات : 8
    تاريخ التسجيل : 13/10/2009
    العمر : 25
    الموقع : طولكرم

    رد: حوار بين ام وابنها طالب التوجيهي

    مُساهمة  اسماء.sh في الخميس أكتوبر 15, 2009 2:42 am

    ,والله يا داليا حكيك كله صح ولا كلمة غلط الله يخلصنا من هالسنة عخير لانه سنة قرف

    داليا ضميري

    عدد المساهمات : 21
    تاريخ التسجيل : 12/10/2009

    رد: حوار بين ام وابنها طالب التوجيهي

    مُساهمة  داليا ضميري في السبت أكتوبر 17, 2009 4:45 am

    بعين الله أسماء
    سنة وبدها تمر
    بس ان شاء الله تمر على خير
    avatar
    Sura Hamdallah

    عدد المساهمات : 1
    تاريخ التسجيل : 18/10/2009

    رد: حوار بين ام وابنها طالب التوجيهي

    مُساهمة  Sura Hamdallah في الأحد أكتوبر 18, 2009 4:50 am

    looool
    thx alot, 7elo kteer Laughing
    avatar
    sh.n

    عدد المساهمات : 5
    تاريخ التسجيل : 22/10/2009
    العمر : 25

    رد: حوار بين ام وابنها طالب التوجيهي

    مُساهمة  sh.n في الجمعة أكتوبر 23, 2009 4:12 am

    nice

    thank you

    داليا ضميري

    عدد المساهمات : 21
    تاريخ التسجيل : 12/10/2009

    رد: حوار بين ام وابنها طالب التوجيهي

    مُساهمة  داليا ضميري في الجمعة أكتوبر 30, 2009 1:35 am

    مشكورين على ردودكم الحلوة Smile

      الوقت/التاريخ الآن هو الإثنين نوفمبر 20, 2017 9:13 pm